mércores, 2 de maio de 2018

Contacontos No Día Do Libro Na Escola

O día 23 de abril conmemórase internacionalmente O Día do Libro. E, claro, nós non perdemos a ocasión de celebralo.
E fixémolo lendo, como non!
Pero non lemos só para nós. Resulta que tivemos público!
Dividímonos en grupos e acudimos de contacontos ás distintas aulas da escola.
Previamente repartimos os fragmentos de lectura entre os membros do grupo.
 E estivemos ensaiando como o faríamos.
Así foi posible que todo saíra ben e que o público ficara contento coas nosas escollas.
 Pedro Carmuega Salazar e Abel Luís Franco Rosón 6º A

xoves, 26 de abril de 2018

Fomos Contacontos De Intercambio Na Xunqueira 1

O xoves pasado o alumnado de 6º fomos ata o CEIP A  Xunqueira 1 para realizar unha convivencia-intercambio lector.
Cada un de nós, en parella ou mesmo individualmente tiñamos que ler un conto a nenos e nenas de Infantil.
Para iso, previamente saímos da escola e fomos pola beira do Lérez.
Camiñando animadamente.
O día axudounos presentándose azul e luminoso.
Ao ir achegándonos xa nos fomos poñendo algo nerviosos.
Na Xunqueira xa nos estaban esperando.
Despois de recibirnos, repartíronnos mesturados co alumnado de infantil.
E alá marchamos a buscar un bo lugar para comezar a lectura.
Creo que todos estabamos con algo de vergoña pero comezamos a lectura moi animados.
E o público prestounos moita atención.
Daba gusto mirar o patio cheo de persoas miúdas, unhas a ler e outras a escoitar.
Calquera lugar era bo.
Cando rematamos, os nenos regaláronos uns marcapáxinas, uns pasteis de chocolate e mais un bico.
Todos os nenos despedíronse e nós fomos para a clase.
Facía moito calor pero estabamos moi contentos pola experiencia realizada.
Mercedes Barragáns Padín e Javier Fernández González 6º A
CLICAR AQUÍ E VER TODAS AS FOTOS DA CONVIVENCIA 

xoves, 12 de abril de 2018

Música Tradicional En Familia


As familias teñen moito protagonismo na escola. Nesta ocasión a familia de Xián, de 6º Educación Infantil, ofreceunos unha mostra de música tradicional galega.
O público foi precisamente o alumnado de 6º de Infantil que disfrutou dun bonito espectáculo.
Puideron coñecer de primeira man como se usa o pandeiro.
Puideron saber máis sobre a gaita.
Non podía faltar a pandereta.
 Realmente uns momentos moi amenos grazas a esta musical familia! 

sábado, 24 de febreiro de 2018

POEMAS NO DÍA DE ROSALÍA

HOXE, OS GALEGOS, CELEBRAMOS O DÍA DE ROSALÍA! DEIXÁMOSVOS ALGÚNS DOS SEUS POEMAS, RECITADOS POR ALUMNADO DE 6º A, NUNHA GRAVACIÓN QUE EMITIMOS ONTE NA RADIO ESCOLAR.
 CLICAR AQUÍ PARA ESCOITAR OS POEMAS

mércores, 14 de febreiro de 2018

XENTE CON AMOR Á HUMANIDADE QUE ENGRANDECE A NOSA VIDA

Continuamos a loitar pola paz  e coñecendo xente con amor á humanidade e que engrandece a nosa vida.
Así ven Lucía e Brais a Mahatma Gandhi: (Clicade na frecha da dereita para ver. Tamén pode ser a pantalla completa.)

Irene déixanos a súa visión de Nelson Mandela e outras figuras de paz: (Clicade na foto para que comece a presentación.)
https://2f2a0eaf-a-62cb3a1a-s-sites.googlegroups.com/site/blogaguiasb1/Pazirene2.swf?attachauth=ANoY7crYeA8dM27Y-ocJQvTQANSkntqZ2lBG4dlRrQUz-GAJ_-eWJFaUEtXYUNCb2hDhIMUnagnBNEF-jh6lgiSfGyfW53I6burtzaTfP9I2g2NnDyil_nUK8Umir4GMuYUqb7magONxLnXQ2OPJbdLipbMzQ3qh1LlLcdUfvF8sLOxjF8dtA3lj3lGsvMjTICXE79UDiKx_HyXe01blQPm6jgS0B77jlg%3D%3D&attredirects=0

sábado, 10 de febreiro de 2018

POR FIN ENTROIDO NA ESCOLA 2018!

E POR FIN CHEGOU O ENTROIDO Á ESCOLA!!!
E CHEGOU CARGADO DE MOITOS ARTISTAS!!!
HABÍA PINTORES A ESGALLA!
E DE TODAS AS IDADES!
E NON PODÍAN FALTAR OS CADROS NESTA EXPOSICIÓN.
 OS ESCRITORES, COAS SÚAS PLUMAS E PERGAMEOS, NON QUEDARON ATRÁS!
ATA O MESMÍSIMO MOZART SE ACHEGOU ATA AQUÍ PARA ACTUAR COMO MESTRE DE CERIMONIA!

UN ENTROIDO CHEO DE MAXIA E COLORIDO.
UN ENTROIDO PARA LEMBRAR SEMPRE!